Shkruar nga: S. H | Publikuar më: 23.10.2026, 14:55
Ish-kreu i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjitike Shqiptare (KESH), Erald Elezi, janë paraqitur sërish këtë të premte në ambientet e Prokurorisë së Posaçme (SPAK). Të dy ish-drejtuesit janë paraqitur së bashku në institucionin e drejtësisë, pa dhënë detaje publike lidhur me arsyen e thirrjes së tyre.
Gjyli dhe Elezi, të cilët kanë qenë në varësi të ish-zëvendëskryeministres Belinda Balluku, ishin paraqitur edhe disa ditë më parë në SPAK. Në atë kohë, ata u morën në pyetje në kuadër të hetimeve që po zhvillohen nga Prokuroria e Posaçme.
Paraqitja e tyre lidhet me hetimet për çështjen që përfshin Evis Berberin, ish-drejtorin e ARRSH-së. Deri më tani, nuk ka informacion të plotë mbi përmbajtjen e pyetjeve që u janë drejtuar dy ish-zyrtarëve apo mbi deklarimet e tyre përpara prokurorëve.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
JOQ Sondazh
KLIKO PËR TË VOTUAR
