Burime qeveritare i pohuan Top Channel se drejtorët që preken do të vijojnë të qëndrojnë në detyrë pasi faza e parë e këtij operacioni ka të bëjë vetëm me administrimin përmes një shkrese të dorëheqjen.
Në fazën e dytë do të vijohet me analizimin e perfomancës të çdo drejtori të dorëhequr.
Qeveria deri më tani nuk ka bërë asnjë koment për këtë valë të kërkuar dorëheqjesh.
Por të njëjtat burime qeveritare pohuan për Top Channel se kjo lidhet me avancimin e idesë të kryeministrit për Meritokraci në administratë.
Kjo shihet si hapje rruge për Ministren e Administratës Publike Adea Pirdeni, e cila u votua dje në parlament si ministre dhe është betuar sot në Presidencë.
LEXO EDHE: Dje kërkoi rinovimin e institucioneve, sot Rama mbledh ministrat e drejtuesit politikë!
Janë më shumë se 130 drejtues agjencisë në nivel qendror dhe lokal që duhet të japin dorëheqjen e kërkuar.
Në fakt ky nuk është një rast i izoluar i ndërmarrë nga kryeministri Edi Rama.
Të tilla dorëheqje janë kërkuar në 2021 dhe në 2023.
LEXO EDHE: Kuvendi/ Etika përjashton me 60 ditë, 6 deputetë demokratë!
