Të shtënat vdekjeprurëse pranë Parisit, autoritetet: Ngjarje terroriste

Një person është vrarë dhe pesë të tjerë janë plagosur, tre në gjendje të rëndë, në një sulm me armë në një periferi të Parisit, të cilin autoritetet po e hetojnë si “terrorizëm”.

Disa të shtëna me armë zjarri nga makina ndodhën të premten, së pari në Trappes në jugperëndim të Parisit dhe më pas në La Verrière aty pranë. Sulmi zgjati pothuajse 15 minuta, tha Ministri i Brendshëm Laurent Nunez. Një vajzë 12-vjeçare është midis të plagosurve.

Sulmuesi i dyshuar është arrestuar. Motivi mbetet i paqartë, por Zyra e Prokurorit Kombëtar Antiterrorist (PNAT) tha se incidenti duket të jetë “vrasje në lidhje me një sipërmarrje terroriste”.

Nunez u tha gazetarëve në Trappes: “Është qartë një krim terrorist, kjo është ajo që ka thënë prokurori.”

Kryetari i bashkisë së Trappes, Ali Rabeh, tha se “një individ qëlloi nga automjeti i tij drejt disa personave që hasi” të premten në mëngjes.