Të gjithë drejtorët rajonalë apo lokal në varësi të ministrive apo agjencive shtetërore dhe publike në Qarkun e Shkodrës, duhet të depozitojnë dorëheqjen e tyre, raporton ShkodraWeb Ka qenë ky mesazhi i takimit të zhvilluar në selinë rozë në mes këtyre zyrtarëve dhe drejtuesit politik për qarkun e Shkodrës, Enea Karakaçi.
Takimi ishte thirrur për të qartësuar nismën më të fundit të kryeministrit Rama, drejtuar ministrave të kabinetit të tij qeveritar. Në mbledhjen e organizuar në Shkodër, pasi është kërkuar depozitimi i dorëheqjeve në bllok, është thënë se rast pas rasti, do të shqyrtohen përformancat individuale të drejtuesve dhe në varësi të saj, dorëheqjet do të pranohen ose refuzohen, raporton ShkodraWeb.
Burime nga kjo mbledhje, e cila ka zgjatur më pak se 30 minuta, bëjnë me dije për ShkodraWeb se nuk ka qenë i pranishëm kryetari i Bashkisë Shkodër, Benet Beci.
