Rreth 2 mijë efektivë të Policisë së Shtetit janë angazhuar në terren për protestën kombëtare të thirrur sot në orën 14:00 në Tiranë.
Sipas informacioneve paraprake, në tubimin e sotëm pritet të marrin pjesë më shumë protestues se në ditët e mëparshme. Pas episodeve të dhunës të regjistruara javën e kaluar, autoritetet nuk përjashtojnë mundësinë e përplasjeve dhe trazirave edhe gjatë protestës së sotme.
Për këtë arsye, policia ka shtuar masat e sigurisë, me qëllim garantimin e rendit publik dhe parandalimin e përshkallëzimit të situatës.
Gjatë protestave të ditëve të fundit, efektivët kanë ndjekur një taktikë të ndryshme nga ajo e mëparshmja, duke mos lejuar grumbullimin e protestuesve në një pikë të vetme.