Protesta e studentëve dhe qytetarëve para Ministrisë së Arsimit vijon mes tensioneve. Disa prej protestuesve u kanë vënë flakën kazanëve të mbeturinave përpara godinës së institucionit.
Kazanët janë djegur pranë efektivëve të policisë, ndërsa protestuesit u kanë bërë thirrje atyre të heqin kapelet.
Numri i studentëve dhe qytetarëve të mbledhur para Ministrisë së Arsimit është i lartë. Kërkesa kryesore e protestuesve është largimi i kryeministrit Edi Rama dhe i qeverisë së tij.
Gjatë tubimit, protestuesit kanë shprehur pakënaqësinë për situatën në vend, duke deklaruar se kushtet e jetesës në Shqipëri janë bërë të papërballueshme.
