Deputetja demokrate, Jorida Tabaku tha se sot PD bëri një akt politike, duke iu bashkuar protestës së studentëve. Në një prononcim për News24, ajo tha se ajo që ka rëndësi në këtë momente është të bëhen bashkë për të larguar Edi Ramën.
“Sot PD bëri një akt politik për tu bashkuar kësaj proteste. Edi Rama do largohet vetëm po u bashkuam bashkë. Rëndësi ka që e mira e Shqipërisë është që të bëhemi bashkë kundër Edi Ramës”, tha Tabaku.
Deputetja e PD dënoi dhunën e policisë ndaj protestuesve, duke theksuar se kjo nuk është pamja e Shqipërisë evropiane.
“Ne pamë një dhunë jo propocionale ndaj protestuesve. Ka pasur një sjellje çnjerëzore ndaj protestuesve, sidomos ndaj të rinjve. Kjo nuk besoj se është pamja e Shqipërisë Evropiane”, u shpreh Jorida Tabaku.
