Protestat e studentëve dhe të rinjve për të kërkuar dorëheqjen e kryeministrit Edi Rama nuk ndalen. Ata kanë paralajmëruar se do të rikthehen sërish në protestë nesër, në orën 14:00 përpara Ministrisë së Arsimit.

Njoftimi vjen pas protestës së sotme në Tiranë, e cila u shoqërua me tensione, dhunë dhe përplasje në disa zona të kryeqytetit. Të rinjtë kanë bërë të ditur se do të mblidhen sërish në të njëjtin vend, duke vijuar të kërkojnë dorëheqjen e kryeministrit dhe qeverisë së tij.

Protesta e 12-të studentore në Tiranë u shënua nga plagosje të rënda, përplasje me policinë dhe skena dhune që u zhvendosën në disa zona të kryeqytetit.