Piloti italian i Mercedes, Kimi Antonelli, siguroi “pole position” në pistën e Austin, ku të dielën në mbrëmje do të zhvillohet gara e Cmimit të Madh të Amerikës në Formula 1. Kryesuesi i botërorit dha kohën 1’34”035, duke qenë më i shpejti në pistë´.
Italiani do të ndajë vijën e parë të nisjes me holandezin e Red Bull, Max Verstappen, i dyti. Në vendin e tretë u klasifikua piloti tjetër i Red Bull, Isack Hadjar, një rezultat që konfirmon momentin e mirë të makinës austriake.
Në vendet 4-5 u renditën dy makinat Ferrari, me Charles Leclerc që la pas shokun e tij të skuadrës Lewis Hamilton. Një rezultat disi zhgënjyes ku për “kokëkuqen”, që pat dominuar provat e lira, por atëherë kur duhej të shkëlqente nuk e bëri.
Vetëm i gjashti britaniku George Russell me makinën tjetër Mercedes, shumë larg shokut të tij të skuadrës që në Austin ka shansin e parë që të shpallet kampion bote. Në “top-10” u renditën edhe Oscar Piastri, Lando Norris, Arvid Lindblad dhe Liam Lawson.
