Kimi Antonelli ka dominuar provat zyrtare të Çmimit të Madh të SHBA-së në Formula 1, duke siguruar pole position me kohën 1 minutë e 34.350 sekonda në pistën e Austin. Piloti italian i Mercedesit do ta nisë garën e së dielës nga vendi i parë, përpara dy makinave Red Bull.
Max Verstappen u rendit i dyti, vetëm 179 të mijëtat e sekondës pas Antonellit, ndërsa Isack Hadjar siguroi vendin e tretë.
Charles Leclerc me Ferrari regjistroi kohën e katërt më të mirë, përpara shokut të skuadrës, Lewis Hamilton. George Russell me Mercedes u rendit i gjashti.
Dy pilotët e McLaren, Oscar Piastri dhe Lando Norris, plotësuan rreshtin e katërt të nisjes, në vendet e shtata dhe të teta.
Arvid Lindblad u rendit i nënti, ndërsa Liam Lawson përfundoi në vendin e dhjetë. Megjithatë, Lawson do të penalizohet me pesë pozicione në nisje.
Jashtë dhjetëshes së parë mbetën Fernando Alonso, Oliver Bearman dhe pilotët e Williams. Ndërkohë, Gabriel Bortoleto dhe Franco Colapinto do ta nisin garën nga fundi i renditjes për shkak të penalizimeve.