Rrjedhja e gazit nga një bombul gatimi ka alarmuar banorët e një pallati në lagjen “15 Tetori” në qytetin e Fierit.
Ngjarja është regjistruar në apartamentin ku jetonte një çift të moshuarish. Pas konstatimit të rrezikut, banorët kanë njoftuar shërbimin zjarrfikës, i cili ka mbërritur në vendngjarje dhe ka ndërhyrë për të larguar bombulën nga banesa.
Për arsye sigurie, të moshuarit janë nxjerrë nga apartamenti. Falë ndërhyrjes së shpejtë të zjarrfikësve, është shmangur përshkallëzimi i situatës dhe një incident me pasoja të mundshme të rënda.
Nga ngjarja nuk raportohen persona të lënduar apo dëme të tjera.