Erjon Vishkulli, 28-vjeçari që u godit me plumb gome në syrin e majtë gjatë protestës së 24 tetorit, pritet të niset sot jashtë Shqipërisë për trajtim më të specializuar.
I riu pësoi dëmtime të rënda në sy, ndërsa ditën e djeshme iu nënshtrua një ndërhyrjeje kirurgjikale në Spitalin e Traumës.
Pas ndërhyrjes së parë, Vishkulli ka nevojë për trajtim të specializuar jashtë vendit, me qëllim vijimin e kurimit të dëmtimit të rëndë.
Sipas informacioneve të bëra publike, gjendja e tij është përmirësuar, por ende mbetet e paqartë nëse do të arrijë të shpëtojë shikimin në syrin e dëmtuar.
28-vjeçari pritet të transportohet gjatë ditës së sotme për të marrë kujdesin e nevojshëm mjekësor.
Ndërkohë, vijimi i trajtimit dhe ndërhyrjet e mëtejshme do të përcaktohen nga mjekët specialistë, në varësi të gjendjes së tij shëndetësore.
