Kreu i Partisë “Shqipëria Bëhet”, Adriatik Lapaj, ka reaguar pas episodeve të dhunës së raportuar gjatë protestës së djeshme në Tiranë, duke akuzuar Policinë për përdorim të forcës ndaj qytetarëve.
Përmes një postimi në rrjetet sociale, ku publikon pamje nga incidenti, Lapaj pretendon se efektivët e policisë kanë goditur në kokë një qytetar, i cili, sipas tij, kishte rënë pa ndjenja.
Kreu i “Shqipëria Bëhet” drejton gishtin nga kryeministri Edi Rama, të cilin e bën përgjegjës për atë që e cilëson dhunë ndaj protestuesve.
“Edi Rama, je përgjegjës në vetë të parë për dhunën barbare mbi qytetarët!”, shkruan Lapaj.
Më tej, ai akuzon se këta persona janë sjellë nga Fieri dhe duke i lidhur me ministren Belinda Balluku.
“Shikoni se si bandat e Belinda Ballukut të sjella nga Fieri janë veshur me uniformë dhe gjuajnë në kokë me kambale qytetarin i cili kishte rënë pa ndjenja”, deklaron Lapaj.
