Presidenti amerikan, Donald Trump, ka deklaruar se Shtetet e Bashkuara dëshirojnë të rikthejnë marrëdhëniet ekonomike me Rusinë dhe Ukrainën pas përfundimit të luftës, duke e lidhur bashkëpunimin tregtar me arritjen e një marrëveshjeje mes dy vendeve.
“Do të dëshironim të riktheheshim në një situatë ku Rusia dhe Ukraina të arrijnë një marrëveshje, në mënyrë që të mund të bëjmë biznes me të dyja”, u shpreh Trump për gazetarët në Florida, përpara se të nisej drejt Xhorxhias.
“Sigurisht që do të bëjmë biznes si me Ukrainën, ashtu edhe me Rusinë, pasi kjo luftë të përfundojë”, shtoi presidenti amerikan.
Deklaratat e Trump sinjalizojnë interesin e Uashingtonit për të rivendosur lidhjet ekonomike me të dyja vendet pas përfundimit të konfliktit. Sipas tij, arritja e një marrëveshjeje që do t’i jepte fund luftës do të krijonte mundësi për rifillimin e shkëmbimeve tregtare.
Megjithatë, normalizimi i marrëdhënieve ekonomike me Moskën do të varet edhe nga zhvillimet diplomatike dhe regjimi i sanksioneve ndërkombëtare ndaj Rusisë.
