Protestuesit kanë shkruar me bojë të kuqe mbishkrimin “Rama TQR” në muret e Kryeministrisë, gjatë protestës së sotme në Tiranë.
Siç duket edhe në foto, një i ri shkruan mbishkrimin pas krahëve të efektivëve të policisë, mesazh drejtuar Edi Ramës, teksa më herët ata i vunë dhe flakën karrigeve të dialogut.
Protesta e sotme para Kryeministrisë është zhvilluar në një situatë më të qetë, krahasuar me një ditë më parë, kur demonstrata u shoqërua me përplasje të ashpra mes protestuesve dhe forcave të policisë.
Gjatë përplasjeve të djeshme, disa protestues mbetën të lënduar. Rasti më i rëndë ishte ai i Erjon Vishkullit, 28 vjeç, i cili u godit në sy me plumb gome nga policia. Ai ndodhet tashmë në Itali, ku do t’i nënshtrohet një ndërhyrjeje të specializuar.
