Nga Boldnews.al
Pak muaj para se të arrestohej nga një grup forcash speciale të ushtrisë Amerikane, presidenti i Venezuelës, Nikola Maduro, mbajti njjë konferencë të jashtëzakonshme shtypi duke akuzuar se “mafia shqiptare” kishte dërguar njerëzit e saj për të vendosur eksplozivë, madje edhe ta vrisnin vetë atë.
“Janë terroristë! Mafia shqiptare që sundon Ekuadorin ka dërguar njerëzit e saj për të vendosur eksplozivë këtu në Venezuelë”, tha Maduro, duke dhënë edhe incialet e “shqiptarit J.N”, sipas tij i arrestuar. Pak muaj më pas, po në një “dalje të jashtëzakonshme” kryeministri shqiptar Edi Rama foli për eksplozivë, dhunë, prishje të rendit dhe sigurisë, dhe tentativë për të sulmuar dhe rrëzuar atë nga pushteti.
Dha edhe iniciale, madje shumë që sipas tij janë persona me precedent penalë dhe u arrestuan gjatë protestave. “Përshkallëzimi është përgatitur për disa muaj. Të dhënat e futjes në Shqipëri të maskave, të lëndëve eksplozive e kështu me radhë, përmes doganës dhe nga subjekte të caktuara, janë tashmë në duart e Policisë. Të dhënat e organizimit të grupeve si pjesë e rrjetit ANTIFA, rrjeti i terrorit urban që në emër të neokomunizmit ka vendosur të futet në jetët e njerëzve përmes dhunës, janë në duart e Policisë. Por në duart e Policisë janë edhe një pjesë e pjesëmarrësve në këtë dhunë të financuar drejtpërdrejtë nga krimi i organizuar dhe forca të huaja”, tha mes të tjerash Rama.
Dha edhe inicialet e të arrestuarve dhe procedimet e mëparshme. I stigmatizoi të gjithë. I cilësoi të dhunshëm, edhe pse ndaj tyre nuk ka një vendim gjyqësor të formës së prerë. Skenari i frikëshëm, fort i ngjashëm me çdo autoritar të cilët janë me njërën këmbë në dhomën e diktaturës. Nëse sheh deklarat e Maduros dhe të Ramës, fatkeqësisht kanë ngjashmër tmerruese. Në stil, formë dhe “haluçinacion” flitet për “forca të errëta” nga krimi i organizuar dhe agjentuara të huaja që synojnë destabilizim.
Rama e ka të qartyë se ky diskurs, i nxjerrë pa asnjë bazë, nuk ngjit tek protestuesit. Megjithatë ai sërish vijon në një skenar haluçinativ, duke mos qenë fare i pari dhe padyshim pas i fundit pasi këto pretendimet për “forca të errata të bredshme dhe jashtme”, i përdor çdo autoritar apo diktator. Kryeministri nuk i flet pjesës së shoqërisë që mendon, pasi asgjë nga deklaratat e tij nuk do pinte ujë. Ai po shtrëngon radhët tek një pjesë e madhe e elektoratit të tij, që të keqen nuk e kanë parë kurrë nga vetja, por tek të tjerët, kundërshtarët brenda dhe jashtë vendit, qofshin ata edhe imagjinarë. Çfarë i kujton Ramës shpikja e armikut edhe aty ku nuk është?
