Arabia Saudite ka njoftuar se dy terminale të aeroportit kryesor të vendit rifilluan funksionimin të dielën, edhe pse rebelët Huthi të Jemenit, të afërt me Iranin, u zotuan të vazhdojnë sulmet ndaj objektit, duke thënë se ai mbetet një “objektiv ushtarak”.
Aeroporti Ndërkombëtar “King Khalid” në Riad kishte pezulluar operacionet më 10 tetor, pas një sulmi për të cilin morën përgjegjësinë Huthit, ku u vranë 13 persona.
Ky ishte sulmi më vdekjeprurës në mbretëri në më shumë se një dekadë.
Arabia Saudite ka njoftuar se të dielën kishte interceptuar një valë tjetër raketash dhe dronësh, ndërsa luftimet me grupin militant vazhdonin pa u ndalur.
Pas njoftimit të autoriteteve saudite për rifillimin e pjesshëm të operacioneve në aeroport, zëdhënësi ushtarak i Houthëve, Yahya Saree, është zotuar se objekti “nuk do të jetë kurrë i sigurt” dhe u ka bërë thirrje linjave ajrore, punonjësve të aeroportit dhe udhëtarëve që të mos e përdorin atë.
Të shtunën vonë, aeroporti ka njoftuar se, duke filluar nga e diela, Terminali 1 do të përdorej për fluturimet e brendshme, ndërsa Terminali 2 për fluturimet ndërkombëtare të operuara nga kompanitë ajrore kombëtare.
The post Arabia Saudite rihap pjesërisht aeroportin e Riadit pas sulmit me viktima, teksa Huthit kërcënojnë me goditje të reja appeared first on Euronews Albania.
Burimi: Botë
