Zgjedhjet në Serbi, Begaj përshëndet rezultatin e shqiptarëve të Luginës së Preshevës: Fitorja e bashkimit

Politikë | 11 minuta më parë

Presidenti Bajram Begaj ka përshëndetur rezultatin e arritur nga shqiptarët e Luginës së Preshevës në zgjedhjet në Serbi, duke e cilësuar atë si një fitore të bashkimit, dinjitetit dhe përfaqësimit politik.

Koalicioni Shqiptar ka siguruar dy mandate në Kuvendin e Serbisë dhe vijon të jetë në garë për të fituar edhe mandatin e tretë.

Përmes një reagimi në rrjetet sociale, Begaj theksoi rëndësinë e këtij rezultati, duke nënvizuar se tashmë sfida kryesore është përkthimi i tij në përmirësimin e të drejtave të shqiptarëve në Luginën e Preshevës.

“Fitorja e shqiptarëve të Luginës së Preshevës është fitore e bashkimit, dinjitetit dhe përfaqësimit politik. Tani ky rezultat duhet të kthehet në më shumë të drejta, barazi dhe fund të diskriminimit. Shume urime!”, shkruan Begaj.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.