Ndoc Macaj, kryeplaku i fshatit Abat në Shkodër është marë i pandehur për akuzën e “Vrasjes me dashje”, pasi në muajin Gusht 2025 ekzekutoi me armë zjarri bashkëfshatarin e tij, Piro Prroni.
Sipas hetimeve të kryera nga prokuroria, ka rezultuar se një parcelë me drogë është bërë shkaku kryesor për vrasjen me dy plumba pistolete të Piro Prronit.
Pas kryerjes së vrasjes, kryeplaku i fshatit Abat, Ndoc Macaj, më pas është vetëdorëzuar tek strukturat policore me ndërmjetësimin e Drejtorit të Qarkut Shkodër.
Macaj, ka pranuar autorësinë e krimit por ka argumentuar se një veprim të tillë e ka kryer për tu vetëmbrojtur, pasi viktima Piro Prroni po e sulmonte me një hanxhar që kishte me vetë dhe thikë.
Gjithçka ka ndodhur për kultivimin e disa rrënjeve me drogë në zonën e quajtur “Pushime”, tokë e cila i përket autorit të krimit Ndoc Macaj,.
Pas hetimeve të kryera lidhur me zbardhjen e vrasjes, policia paralelisht ka zbuluar dhe parcelën me drogë duke asgjësuar me zjarr të gjitha rrënjët. Ndërsa 5 prej tyre u sekuestruan në cilësinë e provës materiale më qëllim ekzaminimin në laborator.
Aktualisht çështja penale është marë në shqyrtim për tu gjykuar nga gjyqtarja e çështjes, Eni Naqellari.
