28-vjeçari nga Elbasani, Erion Vishkulli i cili mbeti i plagosur me plumb gome në sy si pasojë e përdorimit të forcës jo proporcionale të policisë ndaj protestuesve, do të zhvendoset tek spitali Gemelli në Itali për konsultë më të detajuar.

Siç raporton gazetarja e Syri, Alba Kepi, familjarët e të riut do të jenë në pirtje të rezultatit që do të dalë nga konsulta me mjekët e specializuar për t’iu nënshtruar më pas ndërhyrjes kirurgjikale në sy.

Erion Vishkulli mbeti i plagosur rëndë në syrin e majtë si pasojë e gjuajtjes me plumb gome nga policia, në protestën kombëtare të së shtunës në Tiranë më 24 tetor.

I riu fillimisht iu nënshtrua një ndërhyrje kirurgjikale në spitalin e Traumës në Tiranë për t’u transferuar më pas të dielën drejt Romës në Itali, për trajtim më të specializuar.

Gjatë protestës pati një dhunë të pashembullt brutale nga ana e policisë, e cila nuk kurseu përdorimin masiv të gazit lotsjellës, bombave Molotov, plumbave të gomës dhe arrestimeve të dhunshme.