VIDEO/ RTV publik serb kërkon falje për censurën: Shërbimi publik s'ka kryer funksionin e tij për shumë vite

RTV u kërkoi falje shikuesve që nuk transmetuan skena të shumta të festimit të Listës së Studentëve pas zgjedhjeve. "Shërbimi publik nuk e ka kryer funksionin e tij për shumë vite", tha prezantuesi Goran Eror.

Në Ditarin e Parë të Radiotelevizionit të Serbisë (RTS), i cili prodhohet nga Radiotelevizioni i Vojvodinës  (RTV), prezantuesi Goran Eror që në fillim lexoi një kërkim falje sepse skena të shumta të festimit të Listës së Studentëve pas zgjedhjeve të djeshme nuk u transmetuan në RTV, pavarësisht kundërshtimit të disa punonjësve, raportojnë mediat serbe.

Ditari filloi me pamje nga festimet e në rrugët e Novi Sadit dhe qyteteve të tjera në Serbi.

Eror tha se shërbimi publik nuk e ka përmbushur funksionin e tij për vite me radhë.

"Shërbimi publik nuk e kreu funksionin e tij për shumë vite. Ai heshtte, mbyllte sytë, informonte në mënyrë të njëanshme, raportonte pa kritika, nuk bënte pyetjet e duhura ose nuk bënte fare pyetje. Dhe për këtë, u detyrohemi shikuesve një falje", lexoi prezantuesi.

RTV se na današnjem dnevniku izvinio što nisu objektivno izveštavali prethodnih godina.

Red je na RTS. https://t.co/ZKYzAeyt94

— Blokada FFUNS (@BlokadaFFUNS) October 26, 2026

Ai shtoi se një pjesë e punonjësve të RTV-së luftuan që gazetarët dhe redaktorët e asaj kompanie të punonin lirisht dhe në përputhje me parimet etike.

"Fatkeqësisht, nuk e fituam betejën në kohë, por besojmë se është një betejë e rëndësishme për t'u luftuar", lexoi Eror.

Me kërkesë të një pjese të punonjësve dhe drejtorit të përgjithshëm Goran Karaxhiç, drejtori në detyrë i Programit të Parë të Televizionit Publik Krahinor, Nenad Çaçiç, dha dorëheqjen.

Në vend të tij u emërua Blažo Popović, ndërsa Predrag Novković u emërua në pozicionin vakant të drejtorit të programit.

Shkarkimi i kryeredaktorit ishte një nga kërkesat e sindikatës Nezavisnost, e cila e theksoi këtë kërkesë një vit më parë, duke treguar rënien e integritetit të RTV dhe raportimit pro-regjimit.

"Mirëdita. Kjo është Dnevniku i Radios dhe Televizionit të Vojvodinës. Në fillim të udhëtimit për të rifituar besimin e publikut, unë jam Goran Eror, dhe këto janë lajmet që shënuan ditën, me festime në rrugë", përfundoi Eror hyrjen në Dnevnik, përpara se të lexonte lajmet më të rëndësishme.