Kakavijë, zbulohen mallra të padeklaruara në një autobus, sekuestrohen cigare, parfume dhe veshje
Strukturat e Degës Doganore Kakavijë vijojnë kontrollet në pikën kufitare me qëllim parandalimin e rasteve të mosdeklarimit të mallrave dhe goditjen e kontrabandës.
Gjatë ditës së sotme, në hyrje të territorit shqiptar, punonjësit doganorë kanë konstatuar një sasi mallrash të padeklaruara në një autobus transporti.
Pas kontrollit fizik të mjetit, janë evidentuar sasi cigaresh, produktesh parfumerie dhe veshjesh, të dyshuara si mallra kontrabandë.
Dega Doganore Kakavijë bën me dije se kontrollet do të vijojnë në kuadër të zbatimit të legjislacionit doganor, parandalimit të paligjshmërisë dhe garantimit të përmbushjes së detyrimeve ligjore nga subjektet që kalojnë kufirin.
360grade.al
