Denis Meçe është arrestuar mbrëmjen e djeshme nga policia, nën shoqërinë e një personi tjetër, duke u kthyer në banesën e tij.
Mësohet se ky i fundit ka thyer masën e sigurisë “arrest në shtëpi”, të vendosur nga Gjykata e Korçës për vrasjen e Egli Progës.
Meçe ka qenë në shoqërinë e kushëririt të tij, Donel Lika, i cili po ashtu u vu në pranga për veprën penale “moskallëzim krimi”.
Gjatë momentit të konstatimit, rreth 300 metra larg banesës, Meçe nuk ka pranuar që të shoqërohet nga policia, duke i kundërshtuar këta të fundit, ndërsa në përfundim të veprimeve, arrestimi i tij u bë për veprat penale “largimi i të burgosurit nga vendi i qëndrimit” dhe “kundërshtim i punonjësit të rendit publik”.