Aksident në Lezhë, makina përplas të riun, shoferi largohet nga vendngjarja

Aktualitet | 5 minuta më parë

Një i ri ka mbetur i plagosur si pasojë e një aksidenti rrugor në dalje të qytetit të Lezhës, në aksin në drejtim të Shkodrës.

Sipas informacioneve paraprake, i riu është përplasur nga një automjet dhe është transportuar me urgjencë në spital, ku ka marrë ndihmën e nevojshme mjekësore. Fatmirësisht, ai ndodhet jashtë rrezikut për jetën.

Ndërkohë, drejtuesi i automjetit është larguar nga vendi i aksidentit pas përplasjes.

Policia ka nisur punën për identifikimin dhe kapjen e shoferit, ndërsa pritet të sqarohen rrethanat e plota të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.