Altetico Madrid kishte denoncuar klubin katalanas, që tani duhet të paguajë sepse ka shkelur rregulloren. Por ndëshkimi duket më shumë si një shaka.

Mbyllet me një dënim simbolik përplasja e gjatë e verës mes Atletico Madrid dhe Barcelonës në lidhje me Julian Alvarez. RFEF (Federata Spanjolle e Futbollit) e ka dënuar klubin katalanas me një gjobë prej vetëm 602 eurosh. Hetimi nisi në fund të korrikut, pas denoncimit të “Colchoneros”.

Drejtuesit e Barcelonës akuzoheshin se kishin nisur kontakte të drejtpërdrehta të paautorizuara me sulmuesin argjentinas, nën kontratë me Atletico Madrid deri në 2030-ën. Sipas rregullores së kompeticioneve në Spanjë, çdo ekip që kërkon të bisedojë me një lojtar nën kontratë, është i detyruar të informojë zyrtarisht klubin që disponon kartonin e lojtarit në fjalë.

Atletico, për shkeljen e rregullave të transferimeve, i ishte drejtuar edhe FIFA-s, që deklaroi se nuk kishte kompetenca për çështjen, duke ia lënë “pataten e nxehtë” në duar drejtësisë sportive spanjolle.

Organi disiplinor doli në konkluzionin se janë shkelur rregullat. Dhe mes opsioneve – që parashikojnë dënime ekonomike deri në 602 euro dhe skualifikimit të shkurtër, – federata zgjodhi të parin. Me këtë vendim marrin fund muajt e tensionit diplomatik Madrid-Barcelonë.