Një shpërthim me lëndë plasëse është regjistruar rreth orës 01:15 në rrugën “Lidhja e Prizrenit” në Tiranë.
Ngjarja ka ndodhur në oborrin e banesës së shtetasit S. N., rreth 56 vjeç.
Si pasojë e shpërthimit, janë dëmtuar dy automjete që ndodheshin të parkuara në oborrin e banesës.
Nga informacionet paraprake, dyshohet se shpërthimi është shkaktuar nga një sasi lënde plasëse, ndërsa ende nuk dihen rrethanat dhe motivet e ngjarjes.
Policia po vijon hetimet për të zbardhur plotësisht ngjarjen dhe për të identifikuar personat përgjegjës.
