Inspektorati Qendror i Punës ka ndaluar punimet në një objekt në Prizren, pas shembjes së një pllake betoni, ku u lënduan gjashtë punëtorë.

Sipas informatave të deritanishme, tre nga punëtorët e lënduar vazhdojnë të jenë në spital, ndërsa tre të tjerët janë liruar për trajtim në shtëpi. Njëri nga të lënduarit ka pësuar fraktura.

Shembet një pllakë betoni në një vendpunishte në Prizren, lëndohen pesë punëtorë

Pas incidentit, Inspektorati Qendror i Punës ka ndërmarrë masën e ndalimit të punimeve në këtë objekt, me qëllim të parandalimit të rreziqeve dhe garantimit të sigurisë dhe shëndetit të punëtorëve në vendin e punës.

Inspektorati ka bërë të ditur se do të vazhdojë veprimet inspektuese në kuadër të kompetencave ligjore, me fokus në respektimin e kërkesave për sigurinë dhe shëndetin në punë. /Telegrafi/

LajmePrizreniPrizreni