Lëndë plasëse pranë derës së një lokali në Kamëz, ndërhyjnë forcat xheniere

Aktualitet | 9 minuta më parë

Një sasi e dyshuar lënde plasëse është konstatuar mëngjesin e kësaj të enjteje pranë derës së një lokali në rrugën “Berisha”, në Kamëz. Lënda e dyshuar është gjetur rreth orës 06:30 dhe fatmirësisht nuk ka shpërthyer.

Sipas informacionit paraprak të Policisë, lokali është në pronësi të shtetasit K. H., 38 vjeç.

Shërbimet e specializuara xheniere kanë ndërhyrë dhe kanë bërë të mundur heqjen e lëndës së dyshuar plasëse nga vendngjarja.

Ndërkohë, grupi hetimor po kryen veprimet për sqarimin e rrethanave të ngjarjes dhe dokumentimin ligjor të rastit.

Kamëz

lende plasese

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.