Eurodeputetja Terry Reintke shprehu solidaritetin me qytetarët shqiptarë që protestojnë kundër qeverisë, duke theksuar se protestat paqësore nuk pengojnë integrimin në BE. Sipas saj, pengesat kryesore janë korrupsioni, moszbatimi i legjislacionit evropian dhe mosrespektimi i shtetit të së drejtës.
Ajo nënvizoi se mbështetja për qytetarët që kërkojnë demokraci funksionale, mbrojtjen e të drejtave dhe të bregdetit shqiptar do të vijojë.
”Nuk janë protestat paqësore ato që pengojnë anëtarësimin në BE. Janë qeveritë ato që nuk zbatojnë legjislacionin e BE-së, që janë të korruptuara dhe që nuk respektojnë shtetin e së drejtës. Kjo është arsyeja pse ne vazhdojmë të shprehim solidaritetin tonë me të gjithë njerëzit që po luftojnë në Shqipëri.
Jo vetëm për të mbrojtur bregdetin e bukur shqiptar, por edhe për të pasur një demokraci të vërtetë, që mbron të drejtat e qytetarëve, garanton shtetin e së drejtës dhe hap rrugën drejt anëtarësimit në BE”.