Xhafaj dhe Çuçi i kërkojnë Ministrisë së Drejtësisë informacion për transferimin e Veliajt në burgun e Fierit

Fatmir Xhafaj dhe Bledi Çuçi i janë drejtuar zyrtarisht Ministrisë së Drejtësisë me një shkresë, përmes së cilës kërkojnë informacion mbi procedurën e ndjekur për transferimin e Erion Veliajt nga burgu i Durrësit në atë të Fierit.

Në shkresën drejtuar ministrisë, dy deputetët kërkojnë të informohen nëse transferimi i kryebashkiakut të Tiranës është kryer në përputhje me legjislacionin në fuqi dhe nëse janë respektuar procedurat ligjore përkatëse.

Kërkesa është paraqitur nga Xhafaj dhe Çuçi në cilësinë e drejtuesve të dy komisioneve parlamentare: Komisionit për Nismat Qytetare, Bashkëpunimin dhe Mbikëqyrjen Institucionale, si dhe Komisionit për Çështjet e Brendshme dhe të Mbrojtjes.