Emisioni “Stop” trajtoi këtë të enjte, më 29 tetor edhe rastin e qytetarit Viktor Gjoshi nga Lushnja, i cili tregon se e ka shlyer që në vitin 2014, kredinë e marrë gjashtë vite më parë për ndërtimin e katit të dytë të banesës së tij.
Për vite me radhë, ai nuk ka pasur probleme me bankën, por kur aplikoi për legalizimin e shtëpisë, u përball me një surprizë të pakëndshme: prona rezultonte e bllokuar nga zyra përmbarimore ZIG.
Problematikat ligjore të shoqërisë përmbarimore ZIG dhe ankesat e qytetarëve kanë bërë, që dosjet e kësaj zyre, të administrohen nga Ministria e Drejtësisë.
Për heqjen e kufizimit të vendosur në bazë të urdhrit të ekzekutimit të ZIG sh.p.k., Kadastra do të bashkëpunojë me Ministrinë e Drejtësisë pas aplikimit të qytetarit./tvklan.al
