Një “lajm bombë” është duke qarkulluar prej disa orësh lidhur me fatin e Ergys Agasit, pasi u mor me makinë nga burgu i Bradasheshit dhe u dërgua në burgun e Fierit.
“GAZETA SOT” ka raportuar se Ergys Agasi është rrahur barbarisht në ambientet e burgut, nga dy tropojanë të dënuar me burgim të përjetshëm.
Sipas asaj që shkruan media e cituar, “Ergys Agasi di shumë, ndoshta më shumë se çdo kush tjetër në prapaskenat e këtij pushteti, ndaj goditja e tij brenda murit të burgut ishte thjesht çështje kohe.
Gazeta “SOT” ka mësuar se njeriu i konsideruar për vite me radhë si eminenca gri e Edi Ramës dhe ura e tij më e besuar me botën e krimit, është rrahur e masakruar barbarisht brenda në qeli nga dy të dënuar me burgim të përjetshëm me origjinë nga Tropoja.
Burime konfidenciale bëjnë me dije se dhunimi i tij brutal nuk ishte një sherr i zakonshëm mes të dënuarish apo një përplasje e çfarëdoshme e çastit, por një goditje e pastër me porosi mafioze me urdhër të prerë për t’i mbyllur gojën përgjithmonë.
Sulmuesit e masakruan fizikisht duke i lënë vetëm gjuhën pa i prerë, si një paralajmërim të përgjakshëm e të drejtpërdrejtë se nëse flet, dëshmon apo nxjerr sekretet e mëdha që zotëron, herën tjetër do t’ia presin edhe atë.”
Ende nuk ka një reagim institucional që të mohojë këto pretendime të ngritura.
