Dorëheqje të ministrave e shkarkime edhe në gjyqësor, kanë kërkuar protestuesit në Prishtinë në ditën e tretë të protestave pas vrasjes së Arlinda Zekajt në Vitomiricë të Pejës të dielën.
Në protestë, qytetarët para dyerve të institucioneve kanë kërkuar dorëheqjet e ministrave të Drejtësisë, Donika Gërvalla, e atij të Brendshëm, Xhelal Sveçla. Të dy gjatë një konference për media kanë konfirmuar se nuk do të dorëhiqen.
Protesta ka nisur në sheshin “Zahir Pajaziti” për të vazhduar te Ministria e Drejtësisë, KGJK-ja e në fund edhe Qeveria.
“Pa drejtësi nuk ka qetësi”, “Amaneti i Arlindës ka me ju nxanë”, janë disa prej pankartave që mbajnë protestuesit.
Gjatë ditës së sotme, dorëheqje dha drejtori i Policisë, Gazmend Hoxha.
Po ashtu sot u protestua edhe në Pejë.
Edhe
Protestuesit insistojnë në shkarkimin e Gërvallës e Sveçlës
Arlinda Zekaj u vra nga ish-kunati me sëpatë. Ajo i kishte paralajmëruar institucionet për rrezikun që i kanosej.
Një kryeprokurore, një prokurore dhe 11 policë në Pejë janë suspenduar për këtë rast.
