G20 anulon fotografinë tradicionale për shkak të Lavrovit.
Fotografia tradicionale e përbashkët e ministrave të Jashtëm të vendeve të G20-s është hequr nga agjenda zyrtare e takimit, pasi disa prej tyre kanë refuzuar të pozonin pranë përfaqësuesit të Rusisë, Sergei Lavrov.
Ministri i Jashtëm polak, Radosław Sikorski, e cilësoi pjesëmarrjen e Lavrovit në takim si një “moment të sikletshëm”, ndërsa homologu i tij gjerman deklaroi se nuk mund të ketë kthim në marrëdhëniet e zakonshme me Rusinë.
Refuzimi i disa delegacioneve për të qëndruar pranë përfaqësuesit rus bëri që organizatorët të hiqnin fotografinë tradicionale nga programi zyrtar i takimit.
Megjithatë, kjo nuk e pengoi Lavrovin të merrte pjesë në pritjen mirëseardhëse të organizuar nga Sekretari amerikan i Shtetit, Marco Rubio.
Pamjet e publikuara nga pritja tregojnë shefin e diplomacisë ruse në një atmosferë të relaksuar, duke u dukur se po e shijonte ngjarjen, pavarësisht tensioneve dhe izolimit diplomatik që shoqëruan pjesëmarrjen e tij në takimin e G20-s. /Telegrafi/
