Fiks Fare/ QSUT prej muajsh pa aparaturën e Litotripsisë, pacientët me gurë në veshka pa shërbim 30/10 20:54
Skema e ngjyrave
Madhësia e shkrimit
Pas investigimit të emisionit Fiks Fare për akomodimin e shtetasve indianë, punonjës të kompanisë Wolt, në konviktet e Universitetit Bujqësor, Bashkia e Tiranës ka vendosur të zgjidhë marrëveshjen e bashkëpunimit mes Rezidencës Studentore Universitare Nr. 1 dhe kompanisë “Fenix Solution & Trading” sh.p.k.
Kontrata, e lidhur më 9 prill 2026, parashikonte akomodimin e personave jo-studentë në ambientet e godinës nr. 2 të Rezidencës Studentore Universitare Nr. 2, në territorin e Universitetit Bujqësor të Tiranës.
Marrëveshja ishte miratuar në kohën kur në detyrë ishin ish-zëvendëskryetarja e Bashkisë së Tiranës, Anuela Ristani, dhe ish-drejtori i Rezidencës Studentore Universitare Nr. 1, Olsi Shahini. Tashmë, pas investigimit të Fiks Fare, Këshilli Mbikëqyrës i shoqërisë ka vendosur ndërprerjen e njëanshme të saj.
Vendimi mban datën 30 tetor 2026 dhe parashikon nisjen e menjëhershme të procedurave për zbatimin e tij. Në njoftimin zyrtar drejtuar kompanisë “Fenix Solution & Trading” kërkohet lirimi dhe dorëzimi i dhomave dhe ambienteve të vëna në dispozicion, si dhe kthimi i të gjitha pajisjeve, orendive, materialeve, çelësave dhe kartave të aksesit.
Gjithashtu, dokumenti parashikon rakordimin e plotë të detyrimeve financiare mes palëve, përfshirë pagesat e papaguara dhe faturat e emetuara. Procesi i dorëzimit të ambienteve dhe pajisjeve do të shoqërohet me një procesverbal, ku do të evidentohen edhe dëmtimet apo mungesat eventuale.
Sipas vendimit, zgjidhja e marrëveshjes mbështetet në pikën 10.5 të kontratës, e cila parashikon mundësinë e ndërprerjes së saj me njoftim paraprak 60-ditor. Kompanisë i është kërkuar që detyrimet financiare t’i shlyejë brenda datës 30 dhjetor 2026, ndërsa përfundimi i procedurave të likuidimit dhe lirimi i ambienteve janë përcaktuar brenda datës 20 dhjetor 2026.
Vendimi i Këshillit Mbikëqyrës vjen një ditë pas publikimit të investigimit të Fiks Fare, i cili ngriti pikëpyetje mbi mënyrën e akomodimit të shtetasve të huaj në konviktet e destinuara për studentët.
Ndërkohë, pas investigimit, Prokuroria e Tiranës ka regjistruar një procedim penal për veprën penale të shpërdorimit të detyrës, me qëllim hetimin e rrethanave të bëra publike nga emisioni.
Top Channel
