Protesta e thirrur nga Partia Demokratike para Kryeministrisë po zhvillohet pa praninë e kreut të saj, Sali Berisha. Në vend të tij, në tubim janë shfaqur disa prej figurave drejtuese të partisë, mes tyre Flamur Noka, Gazment Bardhi dhe Agron Gjekmarkaj.
Pjesë e protestës janë bërë edhe përfaqësues të Partisë së Lirisë, si Erisa Xhixho dhe Tedi Blushi. Më herët, në tubim u pa edhe deputeti demokrat Belind Këlliçi.
Kjo është hera e dytë radhazi që Berisha mungon në një protestë kombëtare të thirrur prej tij. Megjithatë, Partia Demokratike ka shprehur vazhdimisht mbështetje për protestën dhe pritet që më vonë t’u bashkohet protestuesve të mbledhur pranë Ministrisë së Arsimit.