Disa studentë ishin kundër bashkimit me PD, Noka: Opozitën nuk e largon askush nga sheshi

Sekretari i Përgjithshëm i Partisë Demokratike, Flamur Noka ka folur lidhur me kundërshtimin e disa studentëve që PD dhe mbështetësit e saj të bashkohen në protestë para Ministrisë së Arsimit. Ai u shpreh se opozita nuk do të largohet nga sheshi pavarësisht çdo situate.

 “Këtu duket qartë gjithçka, kështu që ju bëni çfarë të doni, një gjë duhet ta keni të qartë, këtu PD-në dhe opozitën nuk e shkul dot askush nga sheshi.

Kaq, ky është mesazhi. Ata qorristat do ta marrin përgjigjen një për një”, tha ai.

Disa studentë kanë shprehur hapur pakënaqësinë e tyre, duke deklaruar se nuk janë dakord që mbështetësit dhe strukturat e opozitës t’i bashkohen protestës së tyre. Të rinjtë janë dëgjuar të thërrasin në kor: “Opozita jemi ne!”, duke kërkuar që lëvizja e tyre të mbetet studentore dhe e pavarur nga partitë politike.