Dy serbë nga Mali i Zi, të cilët raportohet se luftojnë në Ukrainë në anën e Rusisë, janë shfaqur në një video me mesazhe nacionaliste dhe kërcënuese, duke përmendur edhe kryeministrin e Kosovës, Albin Kurti.
Në pamjet e publikuara, ata shprehin mbështetje për ish-presidentin serb, Aleksandar Vuçiq, ndërsa kundërshtarët e tij politikë i akuzojnë se përkrahen nga “armiqtë e popullit serb”, raporton Dukagjini.
Gjatë deklarimeve, dy personat përmendin Kurtin dhe pretendojnë se do të kthehen në Kosovë.
Në hyrje të videos, ata prezantohen si dy serbë nga Mali i Zi dhe u dërgojnë përshëndetje serbëve në Kosovë, duke veçuar ata në Banjskë.
“Dy vëllezër nga Mali i Zi, dy serbë. Duhet t’i përshëndesim vëllezërit tanë nga Kosova dhe Metohia, popullin serb nga Banjska. Përshëndetje të mëdha për vëllezërit”, thonë ata.
Ndërkohë, sipas burimeve të Tëvë1, grupi nacionalist serb “Srpski Inat” dyshohet se menaxhohet nga disa persona me prejardhje nga Banjska e Zveçanit.