“Arsyet e protestës janë aty”, Hasimja: Edhe nëse ky tubim shuhet tani pas disa muajsh rikthehet sërish

Pedagogu Ermal Hasimja ka komentuar protestën e zhvilluar sot, e cila u shoqërua me tensione, përplasje mes protestuesve dhe policisë, si dhe përdorim të mjeteve të paligjshme.

Sipas tij, protestat mund të rikthehen në forma të tjera, për sa kohë që arsyet që i nxorën të rinjtë në rrugë mbeten aty për aty. Ai kritikoi gjithashtu mënyrën se si qeveria po reagon ndaj pakënaqësisë së qytetareve, duke argumentuar se presioni policor nuk do ta zgjidhin situatën.

“Mendoj një nga gjërat që fatkeqësisht ka dalë si mësim nga protesta e bulevardit është që thjesht ai manifestimi me meme dhe me vizatime dhe me lule nuk tërhiqka mjaftueshëm vëmendje. Kjo pastaj nxit edhe këtë pjesën e konfrontimit.

Nxit natyrisht një reagim të paarsyeshëm, shpesh edhe të paligjshëm mendoj nga ana e policisë edhe për të shtypur protestën plus ato masat që i mbledh qeveria. Por nuk ka shumë rëndësi a bëhet një herë në javë, ndoshta fiket fare, ftohet, me shumë gjasa mbas një muaj, dy apo tre muajsh përderisa arsyet që i nxorën të rinjtë në rrugë janë po aty, këto arsye do t’i nxjerrin me një pretekst me një arsye tjetër. Supozojmë që u lodhën tani të rinjtë iku ky momenti.

Do vijë një moment tjetër në momentin e parë që do të gjendet jo arsye por qoftë edhe pretekst për aq kohë sa arsyet janë aty mjafton një shkëndijë edhe ajo prapë do të ndizet në forma të tjera kështu që ky lloj injorimi që i bën qeveria dhe përpjekja për ta shtypur me polici dhe me masa është komplet jo efikase dhe komplet e arsyeshme”, tha ai.

Duke iu referuar kërkesave të protestuesve, pedagogu u shpreh se tashmë kërkesa kryesore është dorëheqja e kryeministrit Edi Rama.

“Qeveria do duhet të ulej dhe të mendonte . Tani asnjeri nuk pret më masa lehtësuese. Tani njerëzit duan atë dëshirë të vetme që është kryesorja që i heq pastaj i hedh në të gjitha të tjerat, dorheqjen e Ramës”, tha Ermal Hasimja.