Sonte vëmendja e futbollit italian është përqendruar te “San Siro”, ku do të zhvillohet derbi i parë i Madoninës për sezonin 2026/27. Milani pret Interin në ndeshjen e vlefshme për javën e 10-të të Serie A, ndërsa tashmë janë publikuar formacionet zyrtare të të dyja skuadrave.
Surprizat më të mëdha vijnë nga kampi zikaltër, ku trajneri Cristian Chivu ka bërë disa zgjedhje të papritura në formacionin titullar.
Në krahun tjetër, Milani i drejtuar nga Ruben Amorim nuk ka surpriza të mëdha në raport me parashikimet e fundit. Në qendër të sulmit do të jetë Ramos, i mbështetur nga Moreira dhe Pulisic në krahë. Në mesfushë, Musah do të luajë së bashku me Luka Modriç dhe Adrien Rabiot.
Zgjedhjet e trajnerit të Interit kanë tërhequr vëmendjen, pasi Spence do të luajë nga minuta e parë në krahun e djathtë, ndërkohë që Marcus Thuram do të jetë sulmuesi i vetëm, duke hequr dorë nga vendosja me dy sulmues.
Kjo zgjedhje lë në stol si Pio Espositon, ashtu edhe Bonny. Një tjetër vendim i Chivut është aktivizimi i Carlos Augustos në vend të Federico Dimarcos, duke fituar kështu konkurrencën për një vend në formacionin titullar.
Formacionet zyrtare
Milan (4-3-3): Maignan; Gila, De Ëinter, Pavlovic, Diaëara; Musah, Modric, Rabiot; Moreira, Ramos, Pulisic.
Inter (3-4-2-1): Martinez; Bisseck, Akanji, Bastoni; Spence, Calhanoglu, Barella, Carlos Augusto; Diouf, Sucic; Thuram.