Amorim triumfon ndaj Interit dhe befason me deklaratën: “Tifozët nuk janë budallenj”

Ruben Amorim shijon fitoren e parë në derbin e Milanos, ndërsa Milani i tij triumfoi ndaj Interit në një mbrëmje të veçantë për kuqezinjtë. Trajneri portugez u shfaq krenar për paraqitjen e skuadrës, e cila reagoi pas humbjes ndaj Bolonjës dhe tregoi karakter, pavarësisht kalendarit të ngjeshur. “Jam vërtet krenar për atë që bënë lojtarët e mi. Luftuan gjatë gjithë ndeshjes, me shumë pak kohë për t’u rikuperuar. Atmosfera është fantastike dhe kjo fitore është shumë e rëndësishme”, u shpreh Amorim për Sky Sport.

Tekniku zbuloi se e kishte ndier që skuadra mund të konkurronte me Interin, ndërsa theksoi se suksesi nuk erdhi vetëm falë lojtarëve si Modrić, Rabiot apo Pulisic, por nga fryma kolektive dhe organizimi taktik. Amorim vlerësoi gjithashtu Pavlovic dhe De Winter për paraqitjen e tyre në mbrojtje. Sipas tij, Milani bëri diferencën përmes presionit të lartë, agresivitetit në krahë dhe distancave të shkurtra mes reparteve. Kjo e lejoi skuadrën të kontrollonte më mirë hapësirat dhe të kufizonte mundësitë e Interit, veçanërisht në pjesën e dytë.

Pavarësisht triumfit në derbi, Amorim nuk dëshiron të flasë ende për titullin kampion. Trajneri kërkon durim nga tifozët, duke theksuar se ndërtimi i një skuadre konkurruese është një proces që nuk mund të përfundojë brenda pak muajsh. “Duhet t’u bëjmë tifozëve të kuptojnë se gjërat nuk ndryshojnë brenda një muaji, dy muajsh apo një viti. Na duhen net të tilla magjike, por duhet të kalojmë edhe momente të vështira. Situata nuk ndryshon brenda natës”, deklaroi portugezi.

Në fund, Amorim dërgoi një mesazh të qartë për tifozët kuqezi, duke kërkuar realizëm dhe durim përballë projektit të ri. “Nuk e di kur do të jemi gati të luftojmë për trofe, por duhet të jemi të sinqertë me tifozët. Ata nuk janë budallenj. Njerëzit e kuptojnë dhe e dinë se në çfarë faze rritjeje ndodhen skuadra dhe klubi”, përfundoi trajneri i Milanit.

Top Channel