Koreja e Veriut ka kryer një test të ri ushtarak, duke provuar një kokë luftarake me municione thërrmuese për raketat balistike taktike.
Sipas pretendimeve të Phenianit, arma ka kapacitet të godasë një sipërfaqe deri në 130 hektarë. Testimi u zhvillua të shtunën, më 31 tetor, dhe kishte për qëllim vlerësimin e aftësive të sistemit të ri raketor.
Megjithatë, pretendimet për fuqinë shkatërruese të armës nuk janë verifikuar në mënyrë të pavarur.
Sipas raportimeve nga mediat e huaja, autoritetet koreano-veriore kanë njoftuar gjithashtu se synojnë të pajisin ushtrinë me katër lloje të ndryshme kokash luftarake deri në fund të vitit 2026.
Zhvillimi vjen në kuadër të përpjekjeve të Phenianit për të modernizuar arsenalin e tij ushtarak. Në muajt e fundit, vendi ka zhvilluar disa prova raketore dhe demonstrime të teknologjive të reja ushtarake.
Ndërkohë, më 29 tetor, Koreja e Veriut lëshoi rreth dhjetë raketa balistike drejt detit, në të njëjtën ditë kur kancelari gjerman Friedrich Merz ndodhej për vizitë në Korenë e Jugut.
Testet e fundit kanë shtuar shqetësimet për zhvillimin e mëtejshëm të kapaciteteve raketore të Phenianit dhe situatën e sigurisë në Gadishullin Korean.
