Policia e Kosovës ka sekuestruar armë dhe municion në dy raste të ndara në Zubin Potok, gjatë kontrolleve të realizuara më 31 tetor.
Sipas raportit 24-orësh të Policisë, në rastin e parë, rreth orës 14:50, gjatë kontrollit të një hambari janë gjetur dhe sekuestruar tri pushkë gjuetie, një armë e gjatë automatike, një pistoletë, një rrip me 33 fishekë, si dhe disa pjesë shtesë të armëve.
Ndërkaq, në rastin e dytë, rreth orës 17:00, gjatë kontrollit të një hambari tjetër janë gjetur dhe sekuestruar shtatë fishekë.
Në të dyja rastet, të dyshuarit nuk janë hasur në lokacionet përkatëse, ndërsa Policia ka bërë të ditur se hetimet janë duke vazhduar.