Marc Márquez ka dominuar garën e Çmimit të Madh të Malajzisë në Sepang, duke siguruar fitoren e shtatë sezonale në MotoGP dhe duke hedhur një tjetër hap të rëndësishëm drejt titullit kampion.
Piloti spanjoll nuk u mjaftua me një rezultat që do t’i garantonte një avantazh në renditjen e përgjithshme, por kërkoi fitoren që në xhirot e para, duke mos u dhënë mundësi rivalëve ta kërcënonin vendin e parë.
Márquez e përfundoi garën në krye, i ndjekur nga vëllai i tij, Álex Márquez, dhe bashkëkombësi Pedro Acosta, duke kompletuar një tjetër podium tërësisht spanjoll në MotoGP.
Me këtë sukses, Marc Márquez largohet nga Sepang me një avantazh të konsiderueshëm në klasifikimin e përgjithshëm dhe me mundësinë për të siguruar titullin që në garën e ardhshme, në Katar. Për këtë, atij do t’i duhet të thellojë edhe më tej diferencën ndaj rivalëve të tij kryesorë, Jorge Martín dhe Marco Bezzecchi.
WE ARE GOOOO IN #MotoGP! 🚥
@marcmarquez93 grabs the lead despite @alexmarquez73 attacking ⚔️
#MalaysianGP 🇲🇾 https://t.co/AamrK71jWO
— MotoGP™🏁 (@MotoGP) November 1, 2026
Gara në Malajzi nisi me një duel mes dy vëllezërve Márquez. Marc mori kryesimin që në kthesat e para, por Álex arriti ta parakalonte përkohësisht. Megjithatë, piloti i Ducati-t e rimori shpejt vendin e parë dhe nisi të shkëputej gradualisht nga ndjekësit.
Ndërkohë, Pedro Acosta dhe Marco Bezzecchi u përfshinë në luftën për pozicionet e podiumit. Acosta arriti të parakalonte Álex Márquez, ndërsa më pas edhe Bezzecchi kaloi spanjollin, i cili hasi vështirësi në menaxhimin e gomës së pasme.
Në xhirot e fundit, Bezzecchi humbi terren dhe u parakalua edhe nga Ai Ogura, ndërsa në xhiron përmbyllëse humbi një tjetër pozicion pas daljes nga pista, duke i dhënë mundësinë Enea Bastianinit ta kalonte.
Fitorja në Sepang e çon Márquezin në një diferencë prej 44 pikësh ndaj Jorge Martín dhe 67 pikësh ndaj Bezzecchi-t. Kështu, gara e Katarit mund të jetë vendimtare për fatin e titullit, megjithëse gjithçka do të varet edhe nga paraqitjet e rivalëve të tij.
Një tjetër detaj që karakterizoi fundjavën në Sepang ishte homazhi i pilotëve spanjollë për viktimat dhe të prekurit nga aksidenti i rëndë hekurudhor në Urda të Spanjës. Pilotët garuan duke mbajtur simbole të flamurit spanjoll dhe një fjongo të madhe të zezë në shenjë zie dhe solidariteti.
Top Channel
