Në zgjedhjet e 2013-ës, rreth 1 milionë votues në Shqipëri votuan për koalicionin PS-LSI-PSD-PDS-etj-etj, por vetëm 730 mijë ishin votues të drejtpërdrejtë të PS-së (përfshirë këtu edhe disa votues socialistë që u ngatërruan me fletë-votimet si fletë gazetash, e për pasojë, votat u rezultuan të pavlefshme).

Nga ana tjetër, rreth 680 mijë votuan më 2013 për koalicionin PD-PR-LZHK-PDIU-etj-etj, ndër të cilët vetëm 630 mijë votuan për PD-në (përfshirë këtu edhe disa votues demokratë që u ngatërruan me fletë-votimet si fletë gazetash, e për pasojë, votat u rezultuan të pavlefshme).

Duke marrë si piknisje zgjedhjet e 2013-ës, dhe duke ndërthurur në vijim rezultatet zyrtare të zgjedhjeve me sondanzhet që kam drejtuar brenda vendit qysh atëherë, ndërtova grafikun e mëposhtëm të votuesve të PS-së dhe PD-së, pa përfshirë ata të partive aleate (por duke përfshirë socialistët dhe demokratët që mund të jenë ngatërruar me fletë-votimet si fletë gazetash).

SHËNIM: Pas vitit 2013, votuesit e paritve të vogla (LSI, PR, PSD, PDIU, etj, etj, etj) nuk kanë qenë përcaktues në balancat e pushtetit. Ndërkaq, ndër vite, janë shtuar ndjeshëm banorët që nuk votojnë për asnjë parti.