Një ngjarje e rëndë raportohet të ketë ndodhur në fshatin Demiraj të Gjilanit, në Kosovë.
Një 27-vjeçar dhe një foshnjë janë gjetur pa shenja jete brenda një banese.
Sipas mediave vendase, pas ekzaminimit, mjekët kanë konstatuar vdekjen e dy personave, burrit të lindur në vitin 1999 dhe një foshnjeje. Trupat e pajetë janë dërguar në Institutin e Mjekësisë Ligjore për obduksion, me qëllim përcaktimin e shkaqeve të vdekjes.
Ndërkohë, autoritetet kanë nisur hetimet për të zbardhur rrethanat e ngjarjes.
Policia e Kosovës ka bërë të ditur se rasti është regjistruar si “Hetim i vdekjes” dhe po trajtohet në koordinim me Prokurorin e Shtetit.
