Policia e Kosovës ka bërë të ditur se ka ndërmarrë veprimet përkatëse ligjore dhe ka iniciuar një kundërvajtje për gjykatë ndaj një 19-vjeçari, i cili kishte drejtuar në zonë urbane në Ferizaj veturën me shpejtësi 170 km/h. 19-vjeçari kishte xhiruar videon duke drejtuar veturën, ndërsa është konstatuar se nuk kishte patentë shoferë. Në zonën ku drejtoi veturën me shpejtësi 170 km/h kufizimi ishte 40 km/h.
“Policët e stacionit policor në Ferizaj kanë identifikuar një person, i cili në rrugën “Vëllezërit Gërvalla” në Ferizaj, është evidentuar përmes videoinçizimit, duke drejtuar një veturë të tipit BMË, me targa vendore, me shpejtësi prej 170 km/h, në një zonë të banuar, ku kufizimi ishte 40 km/h, të cilën kundërvajtje e kishte publikuar në rrjetet sociale. Gjatë verifikimeve policore është konstatuar se drejtuesi i veturës R.T (19 vjeç) nuk posedonte patentë shoferi. Ai ka pranuar se ishte personi që drejtonte veturën në momentin e inçizimit. Ndaj tij policia ka ndërmarrë veprimet përkatëse ligjore dhe ka iniciuar një kundervajtje për gjykatë”, ka njoftuar Policia e Kosovës.
-
Tejkaluan kolonën nga shiriti emergjent, pesë shoferëve u merret leja në Ferizaj
-
500 euro gjobë personit që voziti pa patentë shoferë në Prishtinë me shpejtësi 180 km/h
-
Ndëshkohen katër shoferë në Ferizaj për tejkalim të shpejtësisë
-
17-vjeçari aksidentohet pasi s’u ndal te stopi i Policisë, merr tri gjoba dhe dërgohet në gjykatë
-
Dy shoferë ndëshkohen për kundërvajtje të rënda në trafik në Ferizaj