Interi po shfaq shenja të asaj që në Itali quhet “sindroma e kampionit”; pra vështirësia për të ruajtur nivelin pas fitimit të titullit. Në 6 nga 10 ndeshjet e kampionatit, zikaltërit e kanë gjetur veten në disavantazh. Humbja e katërt radhazi në derbi është vetëm një pjesë e problemit.

Alessandro Bastoni ka paralajmëruar: “Nuk më pëlqen ajo që po shoh. Fanella e Interit duhet merituar çdo ditë”. Ai sqaroi se kritika i përfshin të gjithë, edhe veten. Ndërkohë, negociatat për rinovimin e kontratave të Dimarco dhe Calhanoglu mund të jenë një faktor shpërqendrues.

Chivu ka edhe arsye për optimizëm; Interi ka 4 pikë më shumë se në 10 javët e para të sezonit të kaluar dhe 2 humbje më pak. Megjithatë, lodhja mendore, dëmtimet dhe mungesa e alternativave në mbrojtje janë shqetësuese. Merkatoja verore gjithashtu nuk ka dhënë rezultatet e pritshme.

Chivu ka biseduar me skuadrën, duke kërkuar më shumë përqendrim. Reagimi kërkohet menjëherë; ndaj Feyenoord dhe Como.