Bashkëshortja e Gjergji Menës përlot rrjetin me fjalët për aktorin e ndjerë

Largimi i parakohshëm nga jeta i regjisorit dhe aktorit Gjergj Mena, në moshën vetëm 41-vjeçare, ka shkaktuar dhimbje të thellë te familjarët, miqtë dhe njerëzit që e njohën. Mesazhin më prekës në këtë moment zie e ka ndarë bashkëshortja e tij, aktorja Algiona Aga, e cila i ka kushtuar një dedikim emocional partnerit të jetës.

Përmes një postimi në rrjetet sociale, Aga ka shprehur dhimbjen e madhe për humbjen e njeriut të zemrës, duke rikujtuar lidhjen e veçantë që i bashkonte. Në fjalët e saj, Gjergj Mena nuk ishte vetëm bashkëshorti, por edhe miku më i afërt, mbështetja dhe familja e saj.

Dedikimi i aktores përcjell një mesazh të fortë dashurie dhe mirënjohjeje për vitet e kaluara së bashku, ndërsa shpreh edhe dëshirën që shpirtrat e tyre të ribashkohen një ditë.

“Ku t’i gjej fjalët për ty, Gjergji im… shoku im… miku im… vëllai im… njeriu im… familja ime… shpatulla ime.

Mirënjohëse përjetë që të pata në jetën time. Do t’i lutem Zotit që shpirtrat tanë të takohen sërish, Gjergji im… Të dua përtej jetës”, shkruan Algiona Aga në mesazhin e saj prekës.

Humbja e Gjergj Menës lë pas një boshllëk të madh në jetën e njerëzve të tij të afërt, ndërsa fjalët e bashkëshortes janë një dëshmi e lidhjes së fortë që i bashkonte.