Dy persona janë ndaluar në Pejë, nën dyshimin se kanë kryer veprën penale të grabitjes ndaj një shtetaseje të huaj.
Lajmin e ka bërë të ditur Shkodran Nikçi, zëdhënës i Prokurorisë Themelore në Pejë, i cili ka njoftuar se ndalimi i të dyshuarve është bërë me urdhër të ushtrueses së detyrës së kryeprokurores.
Sipas Nikçit, dy personat dyshohet se mbrëmjen e kaluar kanë grabitur shtetasen e huaj.
Ai ka bërë të ditur se ushtruesja e detyrës së kryeprokurores, së bashku me zyrtarë policorë, e kanë vizituar viktimën në strehimore, për të parë nga afër gjendjen e saj.
Hetimet lidhur me rastin janë në vazhdim.